Арсенал го доби Баерн Минхен за противник во осминафиналето во Лигата на шампиони. Двата тима одиграа десет натпревари од сезоната 2000/01, но и покрај тоа што билансот е страна на германскиот првак, на „Емирати“ во Лондон не губат надеж за новиот двомеч. „Топчиите“ имаат три победи наспроти петте на Баварците меѓутоа никогаш не ги елиминирале во нокаут фазите во елитното друштво на УЕФА.
Екипата од „Алианц арена“ на чие кормило моментно е Карло Анчелоти го отстрани Арсенал во осминафиналето во сезоните 2004/05, 2013/14 и 2014/15. Премиерлигашот, сепак, во февруари и во март догодина ќе има прилика за реванш и конечно уривање на непријатната низа во дуелите со бундеслигашот.
„По 17 пат едноподруго се пласиравме во групната фаза во Лигата на шампиони. Тоа е доволен доказ за добрата работа на менаџерот Арсен Венгер и фудбалерите во сите изминати сезони. Навивачите ќе мислат дека немавме среќа во ждрепката меѓутоа еден ден ќе мора да ги победиме“, рече секретарот на Арсенал, Дејвид Мајлс.
Во Баерн Минхен се свесни дека ги чека тешка задача во осминафиналето. Тренерот Карло Анчелоти изрази респект кон неговиот колега во Арсенал, потенцира дека ривалот е среде фантастична серија резултати и најави две неизвесни средби за пробивање на патот кон најдобрите осум.
„Имам доверба во играчите и се надевам дека ќе се пласираме во четвртфинале. Арсенал има добра екипа, имам исклучително високо мислење за Венгер“, рече Анчелоти по ждрепката во Нион.
Лига на шампиони
Двојки за осминафинале
Баерн Минхен – Арсенал
ПСЖ – Барселона
Бенфика – Борусија Дортмунд
Реал Мадрид – Наполи
Манчестер сити – Монако
Баер Леверкузен – Атлетико Мадрид
Порто – Јувентус
Севилја – Лестер
Осминафиналната фаза почнува на 14/15 февруари и нејзиниот прв ќе биде комплетиран на 21/22 февруари. Реваншите се закажани за 7/8 март и 14/15 март