Кинеската пливачка Чен Ксинуџи е суспендирана на две години поради позитивен допинг тест за време на олимписките игри во Рио де Жанеиро оваа година. Таа го освои четвртото место на 100 метри делфин, но по трката беше подложена на контрола на која покажа позитиви резултати на диуретикот хидрохлоротијазид, средство што се користи за прикривање на траги на недозволени супстенции во организмот.
Кинеската тинејџерка се закити со три златни медали на Азиските игри во 2014 година. Наредната, пак, беше дел од штафетниот состав на својата земја што пливаше до прво место во трката 4х100 метри мешано на светското првенство во Казан, Русија. Забраната за настапи за неа ќе важи до 10 август во 2018 година.