Лестер и Арсенал доживеаја порази во воведните дуели од 16 коло во Премиерлигата. Бранителот на титулата, по саботниот триумф над Манчестер сити, вечерва, изненадувачки, загуби од Борнмут со 1:0. „Лисиците“ на Клаудио Раниери отпатуваа на југот на Англија како фаворити и според статусот што го носат од ланската сезона и по убедливата партија против „граѓаните“ викендот и поради составот со кој располагаат и поради фактот дека се осминафиналисти во Лигата на шампиони. Но, настапот на „Дин Корт“ им преседна. Марк Пју беше стрелец на единствениот гол на средбата за голема победа на домашните.
Арсенал, пак, поведе на „Гудисон парк“ со погодокот од слободен удар на Алексис Санчез во 20 минута меѓутоа Евертон се радуваше на крајот со 2:1. Трите бода за составот на Роналд Куман ги задржаа одбранбените играчи. Колмен во 44 минута израмни на 1:1, а за резултатски пресврт се погрижи Вилијамс во 86 минута. „Топчиите“ со овој пораз пропуштија прилика за бодовно израмнување со Челзи на врвот на табелата.
Премиерлига
Резултати, 16 коло
Евертон – Арсенал 2:1
Борнмут – Лестер 1:0
Утревечер играат
Сандерленд – Челзи (20.45 ч.)
Мидлсборо – Ливерпул
Вест Хем – Барнли
Манчестер сити – Вотфорд
Кристал палас – Манчестер јунајтед
Тотенхем – Хал
ВБА – Свонси
Стоук – Саутемптон