660 невработени полицајци кои успешно ја завршиле едногодишната обука, денеска излегоа на симболичен строј пред Министерството за внатрешни работи од каде побараа од надлежните органи да бидат вработени, јави А1 он.
„По доставеното барање до Министерството за внатрешни работи и други надлежни органи, јавно излеговме да побараме до истите органи да имаат предвид дека и по успешно завршената едногодишна обука во Центарот за обука при МВР во Идризово и неколку месеци поминати дома во чекање, нашето прашање за вработување се уште не е решено“, рече Ѓоргија Коларовски.
Тие бараат, во најкус можен рок да им биде даден конкретен датум за започнување на работниот однос во МВР.
„Не сакаме да бидеме жртви на ниту еден политички систем и исклучуваме било каква поврзаност со политички партии, ние само сакаме да им помогнеме на нашите колеги кои секојдневно се соочуваат со дефицит на работен кадар и се растргнати на сите страни“, невработените полицајци.
Тие добија поддршка од независниот синдикат на полицајци.