Арсенал го совлада Кристал палас со 2:0 во Премиерлига за победнички вовед во сезоната на тимот на Арсен Венгер. Но, она што се прераскажува и ќе се прераскажува е реализацијата на Оливие Жиру што според многумина, можеби, ќе биде избран и за најубав гол во 2017 година иако е постигнат во првиот ден од неа.
Моментот од 17 минута и реакцијата на францускиот репрезентативец со многу чувство го поведе Арсенал кон трите бода на „Емирати“. Жиру постигна гол со петица или популатно „шкорпион“ каков што неодамна понуди и Ерменецот Хенрик Мхитарјан од Манчестер јунајтед. На водството претходеше контранапад на домашните и асистенција на Чилеанецот Санчез. Ова е шести гол на напаѓачот на „топчиите“ во последните четири настапи како стартер.
https://www.youtube.com/watch?v=M2gq6tIX7HM
Вториот гол беше дело на Ивоби во 56 минута за печат на 12 триумф во сезоната. Арсенал е трет на табелата со 40 бода, три помалку од Ливерпул и девет од Челзи на лдерската позиција.
Тотенхем, претходно, рутински мина на гостувањето кај Вотфорд. „Спарси“ го совладаа тимот на Валтер Мацари со 4:1, по два гола постигнаа Хари Кејн и Деле Али, Јунес Кабул во судиското продолжение го постигна почесниот за домашните.