Односите помеѓу Босна и Херецеговина (БиХ), Србија и Хрватска никогаш не биле полоши, изјави Младен Иваниќ, претседавачот на Претседателството на БиХ.
Според него, се што се случува помеѓу Белград и Загреб има тројно значење и тежина во БиХ.
Иваниќ предлага да се одржи средба помеѓу овие три земји:
“Мислам дека е потребно, за почеток неформално, трите страни да се состанат и односите помеѓу БиХ, Србија и Хрватска да почнат барем да се релаксираат. Односите сега е најлошите во последните десет години. Многу тешки зборови, полно исклучивост, малку подготвеност за договор а пред нас нема знаци дека брзо би дошло до некаква промена”.
Според Иваниќ ваков состанок мора да се случи бидејќи тоа е предуслов за стабилноста на Балканот.
Сепак, на овој предлог до сега не стасала позитивна реакција.
Тој го повика српскиот претседател Томислав Николиќ да го посети Сараево откако пред една година ваква посета беше откажана.
Иваниќ не се согласува со изјавата на членот на Претседателството на БиХ Бакир Изетбеговиќ кој рече дека односите во регионот се добри:
“Како можете да кажете дека односите се добри кога Сараево ја откажа посетата на претседателот на една држава која е значајна за српскиот народ?”, праша Иваниќ. Според него ова е еден вид “разгаленост” на политичарите кои сметаат дека можат да прават што сакаат и потоа да нема последици.
Тој ја коментираше и одлуката на Хрватска да го блокира отворањето на едно поглавие во преговорите на Србија со ЕУ, особено што и Хрватска имаше слични проблеми со Словенија во преговорите за членство во ЕУ:
“Не е добро тоа што Хрватска го направи”, рече тој и додаде дека Загреб нема да има корист од оваа одлука:
“Блокадата е негативен став кон кандидатот а кога тоа ви го прави комшијата тогаш тоа добива пет пати поголема тежина”.
Во средината на декември во Брисел Србија очекуваше дека ќе го отвори и поглавието 26 за образование и култура. Вообичаено ова поглавие е едно од најлесните бидејќи во ЕУ нема заедничко европско законодавство од оваа област кое треба да се усогласува. Но, Хрватска го спречи отворањето на ова поглавие.