Струја се увезува веќе три дена, а не само четири саати како што тврди директорот на ЕЛЕМ и тоа по прескапа цена, соопшти Социјалдемократскиот сојуз на Македонија (СДСМ) кој попладнево објави и документи од набавките на АД ЕЛЕМ. Според документите струја, ЕЛЕМ барала интервентен увоз на струја не само за вчера, туку и за денеска и заа утре, а СДСМ тврди дека цената за увоз е скапа и повисока за околу 30 проценти од вообичаеното.
Вчера, на Божик, е направен интервентен увоз на струја. Набавена е струја по цена од 59,3 евра за мегават час што е 36 проценти повеќе од дозолената цена за увоз од страна на Регулаторната комисија за енергетика во последната одлука (38 евра за мегават час). Интервентната набавка на струја за само два дена ги чини граѓаните 300.000 евра, се вели во соопштението до СДСМ.
Денеска на прес конфенреција директорот на ЕЛЕМ, Христијан Мицковски, тврдеше дека нема криза за струја и дека ова е вообичааено во овој период од годината.
Одговарајќи на прашање Мицкоски рече дека денеска точно во 00 часот прв пат годинава АД ЕЛЕМ увезла електрична енергија за да обезбеди доверливост и стабилност на системот поради зголемениот конзум. Причина за увозот, како што рече, било излегувањето на Блокот 3 од РЕК Битола од системот утрото помеѓу Бадник и Божик во 3:45 часот. Блокот 3, како што нагласи, излегол од системот поради напукнување на цевка во котелската постројка, а ЕЛЕМ успеала да ги реоптимира останатите производствени капацитети за тарифните потрошувачи навремено да ги добијат сите неопходни количини на енергија во текот на вчерашниот ден.
Спроведовме постапка за набавка на електрична енергија за денешниот ден, која е нормална за ваков период од годината и во ваква ситуација и во текот на вчерашниот ден пристигнаа понуди од петте компании, трговци, со кои ЕЛЕМ има склучено договор за купо-продажба. Ги добивме неопходните количини и увозот ќе трае само во текот на денешниот ден, рече тој.
Документите од набавките покажуваат дека увозот е, сепак, многу поголем од она што го соопшти директорот на ЕЛЕМ, а цените многу повисоки од дозволените од РКЕ.
Вчера, на Божик, власта во заминување за да го покрие скандалот, распишала интервентен увоз на струја. Во документот во прилог, точка три, каде се зборува за трошокот за прекуграничен капацитет, може да се види дека станува збор за интервентен увоз на струја, рекоа од СДСМ.