Граѓаните кои се исклучиле од системот ќе мора да плаќаат за парно. Уставниот суд смета дека нема ништо неуставно во одлуката на Регулаторната комисија со која на станарите, кои не користат парно греење им е одреден паушал од 10 денари за квадратен метар.
Иницијативата за оценка на уставноста на иницијативата на регулаторите Уставните судии одлучија да не ја разгледуваат.
Во образложението стои дека судот смета оти во вертикалните системи каде има еден уред, исклучените од греење сепак добиваат енергија, па според тоа снабдувачот има основа да им испорачува сметки и да наплаќа надомест од граѓаните.
Уставниот суд одлучи да поведе постапка за два члена од правилата за снабдување со топлинска енергија. Тој смета дека не е потребна согласност од станарите за поединечно исклучување на парното во колективните згради, а пријавувањето на нелегално користење на парното е во надлежност на снабдувачот, а не на управителот на станбената зграда како досега.