Само два дена откако Доналд Трамп стана претседател на САД, од веб-страницата на Белата куќа исчезна секцијата за ЛГБТ заедницата.
ЛГБТ секцијата на веб-страницата на Белата куќа сега е преместена во архивата на администрацијата на поранешниот претседател Барак Обама.
За време на неговиот претходник, Барак Обама, историските придобивки за ЛГБТ заедницата беа истакнати во таа секција на веб-страницата.
Водителката Елен Деџенерис заедно со холивудски ЛГБТ ѕвезди и поддржувачите на ЛГБТ заедницата, преку видео, му заблагодарија на Обама за се што направил за нив во нивниот мандат, објави порталот „Queer“.
Нил Патрик Харис, Лаверн Кокс, Џонатан Гроф и Еван Рејчел Вуд се само неколку од ЛГБТК ѕвездите кои му се заблагодарија на поранешниот претседател на САД. Сојузниците на ЛГБТК луѓето како Дебра Месинг, Меклмор и Дру Баримор се приклучија на забавата, симнувајќи ѝ капа на администрацијата на поранешниот претседател за укинувањето на т.н. политика „Не прашувај, не кажувај“, поддршката за брачната еднаквост и други придобивки.
Од веб-страницата на Белата куќа е отстранета и секцијата за Климатските промени.