Новиот американски претседател на САД вети дека неговата земја повеќе нема да се бори против климатските промени и глобалното затоплување.

Тој очигледно има намера да го одржи ова ветување од кампањата: сите податоци за глобалното затоплување исчезнаа од интернет страната на Белата куќа во истиот миг вчера кога Доналд Трамп положи заклетва, јавува американскиот сајт  Motherboard.

Од интернет страната на Белата куќа исчезнаа сите веб страни посветени на климатските промени. Американскиот сајт Motherbroad прецизира дека на интернет страната сега стои само страната на која се опишува Планот за енергија America First.

Овој текст најавува повлекување од акцискиот план за клима на Барак Обама со зборовите:

“Претседателот Трамп е решен да ги елиминира штетните и излишни политики како Акцискиот план за клима и вода на САД.”

Трамп најавува дека ќе се фокусира на јаглен и нафта од шкрилци. На оваа страна нема ниту збор за обновливи извори на енергија.

Но новата администрација се уште не одговорила на прашањето дали САД ќе се повлечат од Парискиот договор кој оваа земја веќе го потпиша.

Страната на администрацијата на Обама за борба против климатските промени ќе ја најдете овде во интернет архивата.