Карпош С. ја забележа првата првата победа во дебитантското учество во АБА лигата. „Соколите“, изненадувачки, триумфира против, досега, непоразениот состав на Будуќност со 77:71 (18:25, 25:8, 21:23, 13:15) во рамки на деветтото коло во регионалното кошаркарско натпреварување. Лабовиќ со 18 поени и Зековиќ со 17 го предводеа составот на Драган Николиќ во дуелот со гостите од Подгорица меѓу кои најефикасен беше Суботиќ со 20 коша.
„Јасно им кажав на играчите дека ова е средба на која треба да гинат за секоја топка. Друг избор за победа немавме. Го сменивме пристапот и успеавме на крајот да победиме голем тим каков што е Будуќност. Ова беше борба за гол живот, кој знае што ќе беше ако загубевме и вечерва и имавме скор 0-9“, рече Драна Николиќ, тренер на Карпош Соколи, по средбата.
Клучна за победата беше втората четвртина што домашните ја решија во своја корист со дури 17 поени разлика. Иако ги загубија останатите три, сепак, залихата што ја обезбедија во тој период од средбата беше доволна за заслужена радост на крајот. Покрај 17 коша, Зековиќ додаде пет скока и по две асистенции и блокади.
„Редно беше и ние да победиме. Дојдовме до голем триумф против екипа од горниот дел на табелата и една од најдобрите во АБА лигата. Многу работи се променија во играта со доаѓањето на новиот тренер, се разбира на подобро. Станавме поагресивни во одбрана што резултирање со успех против Будуќност“, истакна Дарко Соколов
Следниот меч Карпош Соколи ќе го одигра во Белград против Црвена звезда. Вториот македонски претставник во АБА лигата, МЗТ Скопје утре ѝ гостува на Крка.