Потполно сме свесни за последиците кои може да произлезат од евентуалните компликации околу изборите, но и околу работата на СЈО. До тоа никој не сака да дојде, вели вицепремиерот за евроинтеграции Арбр Адеми во неделното интервју на Радио Слободна Европа.
„Политичката криза, дефинитивно, се одрази на динамиката на спроведување на реформите. Политичките преговори се одвиваа доста долго, но со посредство на САД и ЕУ, сепак сметам дека во последните неколку месеци се направија позитивни чекори за разрешување на политичката криза. Најголемиот предизвик е пред нас, а тоа е да покажеме и да докажеме дека имаме капацитет и посветеност да организираме избори кои ги исполнуваат меѓународните стандарди чии резултати ќе бидат широко прифатени. За сето ова разговаравме и за времe на мојата последна посета на Брисел, кога се сретнав и со евроамбасадорот Хан, но и со други високи претставници на институциите на ЕУ“, вели во интевјуто Адеми.
Тој вели дека одговорноста е врз политичките чинители кои треба да с е свесни за евентуалните компликации околу изборите и работата на СЈО.
„Како политички чинители, разбирајќи ја комплексноста на политичката ситуација во земјата, во регионот и пошироко, потполно сме свесни за последиците кои може да произлезат од евентуалните компликации и околу изборите, но и околу работата на СЈО. До тоа никој не сака да дојде, а одговорноста е врз политичките чинители кои се инволвирани во политичките преговор“вели во интервјуто Адеми.
Адеми нагласува дека во однос на извештајот на Европската комисија, верува дека ќе добиеме објективен извештај, коректен извештај, каде што ќе се нотира напредок, позитивни активности особено напредокот во политичкиот дијалог, но вели, секако истиот ќе содржи забелешки и препораки, пред сè за областите кои се опфатени со итните реформски приоритети