Американската амбасадорка Анџела Агелер нагласува дека движењето на Македонија на патот кон Европската унија има временска рамка, поставена од самата Унија, односно одржување на следната меѓувладина конференција, во ноември, но со усвоени уставни измени. Агелер нагласува дека или се дава поддршка или се зазема став против она што е потребно за придвижување на земјата кон ЕУ.
Таа истакнува дека е факт оти граѓаните на оваа земја направиле тежок избор и донеле тешки одлуки за промената на името.
И ако ме прашавте пред да заминам од Скопје во 2013 година, дали земјава би го направила тоа, немаше да верувам во тоа. Луѓето разбираат дека има тешки одлуки што треба да се донесат. Но, вие сте апсолутно во право, самото тоа што имате цел не значи дека ја постигнувате. За тоа е потребна акција, а во овој случај потребна е уште една уставна промена. Знам дека луѓето се уморни од тоа, но во исто време сакаат да бидат и во Европската унија, бидејќи ги препознаваат огромните придобивки од отворањето на тие врати кон Европската унија и кон евроатлантските интеграции“, нагласува американската амбасадорка.
Таа се надева дека лидерите на сите политички партии ќе ги остават настрана нивните разлики и едноставно ќе постапат во најдобар интерес за земјата и за нејзината иднина.