Ахмети и Таравари заедно на локалните – Бујар Османи за градоначалник на Чаир

Поранешниот министер за надворешни работи и портпарол на Демократската унија за интеграции Бујар Османи ќе биде кандидат за градоначалник во скопската општина Чаир на Европскиот фронт, соопшти опозициската партија.

Бајрам Реџепи ќе биде кандидат на коалицијата за градоначалник на Тетово.

Ова беше соопштено денеска на седница на Централното претседателство на Демократската унија за интеграција, кое се одржа во Тетово.

Освен ДУИ, кандидати за градоначалници имаат и Алијанса на Албанците предводена од Зијадин Села, како и другото крило на оваа партија предводено од Арбен Таравари, кои по ланскиот раскол, сега се најдоа во иста коалиција.