Денот на независноста на Република Северна Македонија, и претседателот на Демократската унија за интеграција, Али Ахмети ,им го честиташе на сите граѓани на нашата земја.
– Триесет години подоцна продолжуваме да ја градиме Република Северна Македонија, како меѓународно призната земја, со европска перспектива, со многу пријатели со кои соработуваме со цел да обезбедиме одржлива и уште подобра иднина за сите граѓани. Над темелите на референдумот, изјавата на независноста и Охридскиот договор, но и оној од Преспа и добрососедството, ние го избравме дијалогот, еднаквоста и соживотот, но и пријателство со соседите и го одредивме нашиот пат кон НАТО и Европската унија. Денес ние сме полноправна членка на НАТО и со зелено светло за членство во ЕУ. Реформите во согласност со очекувањата на нашите партнери во Брисел и Вашингтон не треба да запрат заедно со напорите за зголемување на квалитетот на животот на нашите граѓани, порача Ахмети.
И партијата Демократската Унија за Интеграција им честита на сите граѓани на нашата земја и смета дека еднаквоста и меѓусебното почитување се темел на заедничкиот пат кон нови предизвици и успеси како што е полноправното членство на земјата во Европската унија.
– Демократската Унија за Интеграција смета дека земјата се соочи со многу предизвици во овие три децении, но постигна историски успеси и излезе посилна од секое соочување.
Демократската Унија за Интеграција, исто така, високо го цени пријателството со Соединетите Американски Држави и Европската унија, како и земјите-членки, повторувајќи дека успесите на нашата земја се заеднички со евро-американската заедница, соопштија од ДУИ.