Али Ахмети, лидерот на ДУИ денеска се сретна со амбасадорот на САД, Џес Бејли.
Ахмети и Бејли разговарале за изборниот процес и ситуацијата создадена по изборите во земјата.
„Ахмети истакна дека сите достигнувања во изминатите 15 години во земјата се реализирани во соработка со меѓународната заедница, вклучувајќи и разрешувањето на кризата, и затоа ова стратешко партнерство на ДУИ со американските сојузници ќе продолжи во духот на исполнување на заедничките интереси, полноправно членство во НАТО и ЕУ“, соопштија од партијата.
Лидерот на ДУИ зборувал и за одредени групи кои сакаат несигурност, геополитичка нестабилност и непредвидливост на земјата и ги увери американците дека ДУИ е посветена на одржување на стабилноста, стратешка определба на земјата и партнерство со Брисел и Вашингтон.
Бејли и Ахмети се договориле во наредните денови повторно да се сретнат.