Заврши средбата меѓу заменикот државниот секретар на САД, Хојт Брајан Ји, со лидерот на ДУИ, Али Ахмети. По средбата која се одржа во резиденцијата на американскиот амбасадор, Џес Бејли, изјава за медиумите даде лидерот на ДУИ.
Тој се заблагодари за поддршката што ја даваат САД за именувањето на Талат Џафери за спикер на парлaментот и зa неговото признавање. Ахмети рече дека сега треба да се вратиме на остварување на целосно градење на институциите.
„По се ова што се случи во Парламентот крајно време е сите да се свестат дека земјата оди во негативен правец и да се прифати новата реалност односно новиот претеседател на Собранието“, рече Ахмети додавајќи дека изборот на Талат Џафери е направен на легитимен начин.
ДУИ е решена да продолжи со процесот на конституирање на новата влада, рече Ахмети, и според него по се ова што се случи во Парламентот, треба сите да се свестиме, дека земјата оди во негативен правец. Тој вели дека процесите треба да се одвиваат на правилен начин и како партија се решени да продолжат со процесот на конституирање на нова влада.
За повлекувањето од функцијата кое го најави министерот за внатрешни работи, Агим Хухиу, поради моралната одговорност што ја чувствува по насилните протести во Собранието, Ахмети изјави дека министерот има целосна поддршка од ДУИ, но и од другите партии и нема логика да се повлече сега во време кога не постои орган што би ја прифатил.
Попладнево Хојт Ји прво имаше средба со претставници на партиското раководство на Алијансата на Албанците на кои учествувале Арбен Таравари и Весел Мехмеди, а потоа и со претседателот на Беса, Билал Касами.