Американскиот Стејт департмент неодамна бил цел на сајбер напад, на што предупредиле од Пентагон. Според извештајот, не е јасно кога е откриен упадот на хакерите, но се верува дека тоа се случило пред неколку недели, а исто така се тврди дека евакуациската мисија на Стејт департментот во Авганистан не е загрозена од нападот.
Во моментот не е познат степенот на нападот, кој стои зад него, како и напорите за ублажување на нападот и ризикот за операциите.
Стејт департментот сериозно ја сфаќа својата одговорност за зачувување на податоците и континуирано презема чекори за да обезбеди заштита на информациите. Од безбедносни причини, во моментот не можеме да разговараме за природата или степенот на наводните безбедносни инциденти, изјави портпаролот на Стејт департментот за „Фокс њуз“.