Европскиот совет за надворешни односи (ЕЦФР) објави анализа и проекција на идниот состав на европскиот Парламент (ЕП) со заклучок дека влогот на изборите во мај во 2019 година е невообичаено голем „со оглед дека партиите што антиевропски ориентирани може да освојат повеќе од една третина од пратеничките места“.
Овој „тинк-тенк“, со седиште во Лондон и канцеларии ширум ЕУ, на чие чело, меѓу другите се поранешниот шведски премиер и министер за надворешни работи Карл Билд, поранешниот фински претседател и добитник на Нобеловата награда за мир, Марти Ахтисари, како и поранешниот министер за надворешни работи на Шпанија и поранешен генерален секретар на НАТО, Хавиер Солана, ја наслови анализата како „Европски избори 2019: Како оние кои се антиевропски ориентирана планираат да ја урнат Европа и што може да се направи за да се спречи тоа”.
„Иако меѓу нив постојат суштински разлики, антиевропските партии би можеле тактички да се здружат за да обезбедат поддршка на целиот спектар на идеи: од укинување на санкции кон Русија преку блокирање на ЕУ агендата во надворешната трговија до ставање точка на миграцијата“, стои во анализата.
Се наведува дека Европскиот парламент е „најмалку влијателен” меѓу раководните тела на Европската унија, но дека „за жал на измачените интернационалистички Европејци, изборите за него се навистина важни”. Според нив, гласањето би можело да доведе до освојување на контролниот пакет на места во ЕП од група на националистички антиевропски политички партии што се залагаат за враќање на „Европа на нациите”, се вели меѓудругото во анализата.