Игор Ангеловски индиректно најави дека дуелот со Холандија му беше последен како селектор на македонската фудбалска репрезентација.
– Кога ќе се намалат емоциите ќе дадеме генерална оценка. Можам само да кажам дека беше задоволство да се води Македонија на Европско првенство и заедно со навивачите да се претатавиме на континенот. Не треба да бидеме разочарани, ние го пробибавме „мразот“.
Тој искажа голена благодарност до неговиот стручен штаб и медицинскиот персонал, до фудбалерите, предводени од Горан Пандев.
– Овој меч не беше голем само за Панев, туку за цела Македонија, испраќавме великан кој не задолжи сите со својата голема кариера и човекот што не задолжи со сето тоа што го има направено за фудбалот во Македонија. Јас можам само да кажам дека сум среќен што пет и пол години работев со таков капитен и таков човек и му благодарам за се. Идните генерации имаат еден добар пример за тоа како треба да се однесуваат, како треба да работат за да стигнат до величините што ги стигна Горан Пандев, рече Ангеловски.
Зборувајќи на прес-конференцијата по натпреварот што Македонија го изгуби со 0:3, Ангеловски кажа дека тоа беше неговиот последен професионален ангажман како селектор на Македонија.
– Ова е мојата последна прес-конференција како селектор. Мојот договор со Фудбалската федерација на Македонија истекува на 31 јули и со тоа завршуваат моите обврски, изјави Ангеловски.