Антикорупциска комисија ги одби приговорите на одлуките за разрешување на поранешниот вршител на должност директор на „Јасен“ Оливер Андонов и на Лидија Богдановска, поранешен в.д. директор на Службата за просторен информативен систем, орган при Министерството за животна средина во Битола, како неосновани.

Приговорите на двајцата поранешни вршители на должност беа одбиени поради тоа што одлуките за нивно разрешување биле донесени пред денот на распишувањето на локалните избори.

Оливер Андонов по седницата изјави дека одлуката за негово разрешување стапила на сила и му била врачена на 11 август. Претседателот на Антикорупциска, Игор Тантуровски, пак, во образложението на овој предмет кажа дека одлуката за разрешување на Андонов била донесена од страна на Управниот одбор на „Јасен“ на 5 август.

Се уште не се пристигнати одговори и документи во врска со веќе отворените случаи за разрешувања, дисциплински постапки и откази по распишувањето на локалните избори 2017 што е спротивно според Изборниот законик.