Четврти февруари е светски ден за борба против ракот. Во Македонија, како што денеска објави здружението „Борка“, годишно се откриваат над 7.000 нови случаи на рак. Над една третина или кај 2.700 е дијагностициран на бели дробови и на дојки, но статистиката како се почесто напаѓан орган го забележува и дебелото црево.
Таков е случајот и со Ване Михајловски кој веќе три години се бори со лошата болест, меѓутоа не се предава. Овој месец ќе биде подложен на четврта операција во Хамбург, Германија, за која, како што објави во емотивниот пост на Фејсбук, се надева оти ќе биде успешна и последна. Телесно е исцрпен, но и финансиски, бара морална поддршка за пребродување на уште едно легнување под нож и апелира помош за донирање на средства.
„До ноември во 2017 година имав нормален живот, до кобниот 17 ден во месецот во кој добив мозочен удар. Петнаесет дена подоцна се јавија обилни крварења, а 23-от ден од мозочниот удар ми открија рак на дебелото црево во четврти стадиум“, споделува Михајловски на Фејсбук.
Првиот зафат го направил доктор Арсенков во Градската општа болница во Скопје. Михајловски го пребродил првичниот шок, минал низ сите искушенија во операционите сали и болничкиот кревет, го задржал духот и излегол со уште поголема желба за борба, за живот, полн со оптимизам, решителност и позитивна енергија.
Пред себе си поставил цел – со велосипед да вози од Велес до Брисел за лична мотивација, но и како поддршка за останатите со кои ја дели истата судбина. И успеал да ја совлада рутата за 15 дена, но следувало ново соочување со болеста за која четвртото испитување покажало метастази на белите дробови и црниот дроб.
„Добив упат за лекување во Турција каде ми дијагностицираа повеќе метастази, но не ме оперираа таму туку ми вградија порт за полесно примање на хемотерапијата. Од 68 часовната агресивна хемотерапија во Македонија немаше резултати, добив и тромбоза, па решив да заминам во Германија“, наведува Михајловски.
Негова тамошна крајна дестинација била клиниката „Сана“ во Офенбах каде му биле направени снимки, а од доктор Драган Киселички од „Нордвест Клиник“ добил препорака за тридневна хемотерапија во четири наврати со пауза од две недели меѓу секој циклус.
„По завршените хемотерапии, на 18 декември ми беше направена компјутерска томографија која покажа дека три од петте метастази се закожурени, т.е. изгорени, па остануваат уште на белите дробови и на црниот дроб. Првата беше на 20 јануари, а втората треба да се случи овие денови“, стои на крајот на излагањето на Михајловски.
Хируршките зафати, болничкото лекување, режимот на исхрана што го наложува болеста и терапиите во изминатите месеци „изедоа“ 60.000 евра. За покривање на претходната интервенција во јануари и на претстојната во февруари, како и за други зафати, се потребни дополнителни 70.000 евра. Затоа и апелот за донација до сите кои може финансиски да придонесат во неговата животна борба да го сторат тоа на