Бугарската полиција идентификува 18 навивачи кои се сомничат за расистички навреди кон црномурестите фудбалери на Англија за време на дуелот во Софија во квалификациите за ЕП 2020. Шест од нив се уапсени, а по останатите 12 се трага. Против вкупно девет лица се подигнати обвиненија кои ќе добијат судски епилог.

„Такво однесување нема да толерираме“, порача бугарскиот министерс за внатрешни работи, Георги Хаџиев.

Селекторот на бугарската репрезентација, Красимир Балаков по мечот тврдеше дека не слушнал никакви навреди од трибините на стадионот „Васил Левски“. Но, ден по натпреварот се огласи преку својот Фејсбук профил со извинување до англиските играчи и сите кои се почусвтвуваа навредени.

„Осудувам секаков вид на навреда и расизам како неприфатливо однесување во нормалните меѓучовечки односи. Тоа е еден вид на предрасуда што мора да биде наше минато и никој, никогаш и никаде не смее да биде предмет на такви навреди“, напиша Балаков во постот.