Албанците не се проблем во земјава и платформата на Албанците е во рамки на Уставот и законите, рече денеска градоначалничката на Тетово, при посетата на гинеколошкото одделение на Клиничката болница во Тетово.
Таа додаде дека ДУИ останува на ставот дека Иванов треба да ја повлече одлуката за недоделување на мандатот.
„Иванов со одлуката да не го додели мандатот ја вовлече државата во институционална криза. Ние како ДУИ се однесуваме со сериозна одговорност кон платформата, која не е надвор од Уставот на Македонија ниту од Рамковен договор“, вели Арифи.
Арифи додаде и дека ќе се најде и некое законско решение за распишување на локалните избори.
„Ова е проблем на сите политички партии. Ќе се бара некое законско решение, имајќи го во предвид фактот дека општинските власти имаат директни ингеренции кои се однесуваат на граѓаните и на функционирање на градовите, така да мислам дека ќе се најде еден заеднички интерес и се да биде во рамки на законитерече“, рече Арифи.