Европа ќе добие нов клупски фудбалски првак на 3 јуни на „Ванда Метрполитано“ во Мадрид. Ајакс, на сензационален начин, ја прекина тригодишната доминација на Реал Мадрид и со неверојатни 4:1 на „Сантијаго Бернабеу“ ги понижи „кралевите“ и се пласира во четврт-финалето на Лигата на шампиони.
Потписници на големиот триумф на „копјаниците“ беа Хаким Зиех во седмата минута, Давид Нерес во 18 минута, Душан Тадиќ во 62. минута и Ласе Шене со прекрасен гол од слободен удар во 72. минута. Играч на натпреварот, сепак, е српскиот интернационалец Тадиќ кој беше асистент за првиот и вториот гол на Холанѓаните по што и самиот се запиша во листата на стрелци.
https://www.youtube.com/watch?v=jPAyfqnTsFI
Реал Мадрид вечерва на својот тревник го прими, веројатно, најтешкиот удар во годината. Двапати загуби од Барселона, го заврши настапите во Копа дел Реј, во Примера заостанува огромни 12 бода, па надеж за спас на сезона им остана Лигата на шампиони. Но, и таа е минато за нив, а многу веројатно дека и клубот наскоро ќе биде минато за Сантијаго Солари. Убедливиот пораз од Ајакс и елиминацијата во осминафиналето е за очекување да значи и забрзување на постапката за тренерска смена во што, според медиумите, е решен Флорентино Перез.
Втор четвртфиналист во Лигата на шампиони е Тотенхем. „Спарси“ и во реваншот ја победија Борусија во Дортмунд со 1:0 и со вкупни 4:0 се проби меѓу најдобрите осум во ЛШ. Единствениот погодок на „Вестфален“ беше дело на Хари Кејн во 49. минута.
Утревечер нови два реванш натпревари во Лигата на шампиони. Екипата на ПСЖ го дочекува Манчестер јунајтед со големи 2:0 0д првата средба на „Олд Трафорд“ додека Порто на „Драгао“ ќе биде домаќин на Рома. Римјаните имаат 2:1 од „Олимпико“.
Лига на шампиони, осминафинале, реванши
Реал Мадрид – Ајакс 1:4 (2:1)
Борусија Дортмунд – Тотенхем 0:1 (0:3)
Во заграда се резултати од првите средби
Среда (21 ч.)
ПСЖ – Манчестер јунајтед (2:0)
Порто – Рома (1:2)