Неспортски и крајно непрофесионален момент го одбележа првиот натпреварувачки ден на 34. Европско атлетско првенство во сала во Белград. Во фокусот се најде Французинката Флорија Гуи која влезе во патеката на движење на Дениса Росолова, во квалификаците на 400 метри, и ја оттурна што резултира со тежок пад на чешката атлетичарка, инаку поранешна континентална шампионка во дисциплината.

Гуи по инцидентот продолжи со тркaта додека Росолова остана да лежи на тартанот во „Комбанк арена“ на што веднаш реагираа лекарските екипи. Го имобилизираа нејзиниот врат и ја превезоа во ВМА на снимање и натамошен третман.

https://www.youtube.com/watch?v=Db3mXJLMBZI

„Отидовме во најблиската воена болница каде ќе бидат извршени сите неопходни прегледи за секој случај. Дениса има мали болки во главата и абдоменот, но состојбата е стабилна“, се огласи Јиржи Нојман, доктор на репрезентацијата на Чешка.

Росолова пристигна во Белград како „златна девојка“ на 400 метри од Еврпското првенство во Париз во 2011 година и сопственичка на бронзени одличја во скок во далечина од Бирмингам и во штафетата 4х400 метри во Гетеборг. Од ЕП во Хелсинки во 2012 година таа понесе сребро на 400 метри со пречки и бронза во штафетата 4х400 метри.