Атомски фудбал на „Енфилд“ и голема победа на европскиот шампион над англискиот во дербито на 12. коло во Премиерлигата. Но, одличната претстава, головите на Фабињо, на Мохамед Салах и на Садио Мане за „црвените“ на Јирген Клоп, како и на Бернанрдо Силва за „граѓаните“ на Пеп Гвардиола паднаа во сенка на арбитражата на Мајкл Оливер.
Ливерпул поведе уште во шестата минута со погодокот на Фабињо на кој му претходеше очигледно играње со рака на Арнолд во сопствениот казнен простор. Реакција од ВАР собата изостана, нем остана и судијата Оливер, па ниту беше поништен голот на Бразилецот ниту, пак, беше досуден пенал за Сити.
https://www.youtube.com/watch?v=AvhXMsKMWNM
Седум минути подоцна, асистенцијата на Робертсон, Салах ја претвори во гол за комформа предност на домашните на полувреме. Шест минути подоцна, Ливерпул веќе имаше 3:0 по нафрлувањето на Хендерсон и ударот со глава на Мане кој практично ги растера дилемите околу тимот славеник во дербито.
Манчестер сити до крајот, сепак, успеа до погодокот во 78. минута на Бернардо Силва за потоа да не биде досуден уште еден пенал за „граѓаните“. Ново играње со рака од Арнолд, ново игрнорирање од Оливер на ВАР мониторот за дополнителна доза на гнев кај Гвардиола по натпреварот.
Премиерлига, 12 коло
Ливерпул – Манчестер сити 3:1
Вулверхемптон – Астон Вила 2:1
Манчестер јунајтед – Брајтон 3:1
Лестер – Арсенал 2:0
Тотенхем – Шефилд јунајтед 1:1
Саутемптон – Евертон 1:2
Њукасл – Борнмут 2:1
Барнли – Вест Хем 3:0
Челзи – Кристал Палас 2:0
Норич – Вотфорд 0:2
Табела: Ливерпул 34, Лестер 26, Челзи 26, Манчестер сити 25, Шефилд јунајтед 17, Арсенал 17, Манчестер јунајтед 16, Вулверхемптон 16, Борнмут 16, Барнли 15, Брајтон 15, Кристал Палас 15, Њукасл 15, Тотенхем 14, Евертон 14, Вест Хем 13, Астон Вила 11, Вотфорд 8, Саутемптон 8, Норич 7.