47-годишен маж од Западна Австралија е обвинет за повеќе од 400 сексуални престапи против деца во она што полицијата го нарекува една од најзначајните истраги за злоупотреба на деца во историјата на државата.
Тој се соочува со 240 точки од обвинението за непристојно постапување со дете помладо од 13 години, 98 точки од обвинението за непристојно снимање на дете под 13 години и 44 точки од обвинението за сексуална пенетрација на дете под 13 години, соопшти полицијата во Западна Австралија.
Тој се соочува и со 26 точки од обвинението за поседување и пет точки за производство на материјал за експлоатација на деца.
Обвиненијата следуваат по повеќемесечната истрага предизвикана од дојавата во јули минатата година.
Извршени се претреси во домот и неговото работното место, при што беа запленети повеќе електронски уреди за складирање, соопшти полицијата.
По дигитално форензичко испитување, властите идентификуваа приближно 3,8 милиони слики и видеа кои се сметаат за материјал за експлоатација на деца.
Полицијата соопшти дека детективите идентификувале 24 момчиња и девојчиња кои биле сексуално злоставувани. Злоупотребата, наводно, се случила помеѓу 2015 и 2021 година.
„Оваа истрага е една од најзначајните истраги за злоупотреба на деца што некогаш била спроведена во Западна Австралија во однос на тоа колку слики се лоцирани и колку жртви ќе тврдиме дека биле злоупотребувани“, рече детективот Хамиш Мекензи.
Во извештајот се вели дека децата биле на возраст меѓу 3 и 13 години, а полицијата верува дека жртвите му биле познати на мажот преку семејството и пријателите.
Човекот треба да се појави подоцна овој месец во Судот во Перт.