Австралија ја проблематизира транспарентноста на кинеските власти во одговорот на пандемијата на ковид-19 и побара меѓународна истрага за појавата и ширењето на болеста. Вирусот се верува дека настанал на пазар во кинескиот град Вухан во декември 2019 година. Оттогаш се заболени над 2,3 милиони луѓе во светот од кои над 160.000 умреа.
Австралиската министерка за надворешни работи Марис Пејн изјави дека е крајно загрижена за кинеската нетранспарентност во врска со епидемијата на коронавирусот.
„Проблемите со ковид-19 се прашања за независна истрага и мислам дека е важно тоа да го сториме. Австралија ќе инсистира на тоа“, изјави Пејн за телевизијата АБЦ.
Австралија ја стави под контрола ситуацијата со коронавирус со 53 нови случаи во текот на денешниот ден, а, според податоци на Министерството за здравство, се заразени вкупно 6.586 лица. Во земјата досега починаа вкупно 71 лице.
Додека Австралија бара истрага, американскиот претседател, Доналд Трамп, изјави дека Кина би можела да се соочи со последиците од тоа да биде одговорна за пандемијата. Пекинг ги отфрла обвинувањата за нетранспарентност