Првиот годинашен гренслем, Австралија опен ќе добие нова шампионка. Марија Шарапова ја елиминира бранинителката на титулата, Каролина Возњацки со 6:4, 4:6, 6:3 во третото коло во Мелбурн и закажа дуел со домашната тенисерка, Ешли Барти (15 носителка) во осминафиналето. Русинката, која го освои Австралија опен во 2008 година, ја заврши мисијата со нејзината данска колешка по два часа и 23 минути игра.
„Двете игравме на високо ниво. Знаев дека нема да биде лесно бидејќи против себе ја имав тенисерката која го брани тронот. Лани немав многу врвни натпревари, па чувството да се победи во ваков меч е навистина добро“, истакна Шарапова.
Марија Шарапова од март во 2017 година до април во 2017 година беше суспендирана, откако беа утврдени траги на мелдониум во нејзин примерок на допинг контрола. По враќањето во ВТА турот, Русинката има само една титулата, во Тијанџин, што е нејзин најголем успех по аферата.
Рафаел Надал и Роџер Федерер со нови беспрекорни настапи на Австралија опен. Шпанецот во третото коло го совлада Алекс де Минаур со 6.1, 6:2, 6:4 додека Федерер во три сета (6:2, 7:5, 6:2) беше подобар од Американецот Фриц.
Австралија опен, 3 коло
Мажи
Надал (2., Шпанија) – Де Минаур (27., Австралија) 6:1, 6:2, 6:4
Федерер (3., Швајцарија) – Фриц (САД) 6:2, 7:5, 6:2
Циципас (14., Грција) – Басилашвили (19., Грузија) 6:3, 3:6, 7:6, 6:4
Бердих (Чешка) – Шварцман (18., Аргентина) 5:7, 6:3, 7:5, 6:4
Димитров (20., Бугарија) – Фабијано (Италија) 7:6, 6:4, 6:4
Баутиста Агут (22., Шпанија) – Хачанов (10., Русија) 6:4, 7:5, 6:4
Жени
Шарапова (30., Русија) – Возњацки (3., Данска) 6:4, 4:6, 6:3
Стивенс (5., САД) – Мартиќ (31., Хрватска) 7:6, 7:6
Квитова (8., Чешка) – Бенчиќ (Швајцарија) 6:1, 6:4
Анисимова (САД) – Забаленка (11., Белорусија) 6:3, 6:2
Барти (15., Австралија) – Сакари (Грција) 7:5, 6:1
Колинс (САД) – Гарсија (19., Франција) 6:3, 6:2