Првиот работен ден по празниците, скопското јавно претрпијатие ЈСП на Здружението „Бадникови поворки“ му доставило фактура за користењето на автобусите за манифестацијата одржана на 6. јануари. Директорот на ЈСП, Кристијан Чушков, за НОВА ТВ потврди дека сметката е испорачана.
„Здружението „Бадникови поворки“ користело вкупно 18 автобуси и минибуси, а сумата која што треба да ја плати е 52.000 денари“, изјави Чушков.
Автобусите кои биле најмени од ЈСП, здружението ги искористи за превоз на деца од скопските општини до црквата „Рождество на Пресвета Богородица“, од каде пеш маршираа до соборниот храм во центарот на Скопје.
Во манифестацијата „Бадникови поворки“ беа вклучени над седум илјади деца од повеќе градови во Македонија. Организатор беше здружението „Бадникови поворки“, кое е формирано во февруари минатата година, а доби логистика од повеќе општини во земјава, Градот Скопје и МПЦ.
Министерството за образование најави дека денес ќе испрати државни просветни инспектори во секое училиште и општина за да се провери дали се прекршени начелата на секуларноста и законите.
Бадникови поворки во име на Бога и со благослов од градоначалниците