Томас Милер беше еден од централните ликови во летниот преоден рок во 2016 година. На големо се шпекулираше за напуштање на Баерн Минхен и преселба во Манчестер јунајтед, но реализација на трансферот не се случи. Извршниот потпретседател на Баварците сега открива дека Жозе Мурињо испратил понуда тешка 100 милиони евра за репрезентативецот на Германија што била отфрлена на „Алијанц арена“
„Вистина е дека Манчестер јунајтед ја понуди таа сума. Од Англија добивме писмена понуда, но не размислувавме за негова продажба. Ако фудбалерот нѝ одговара би било глупаво да го продаваме за рекорден профит“, изјави Јан Кристијан Дресен, еден од потпретседателите на Баварците.
Милер атакува на петта титула едноподруго со Баерн Минхен во Бундеслигата, но мака мачи да ја пронајде најдобрата форма. Ланската сезона постигна 32 гола, а во оваа, досега, имаше само четири во 26 настапи во сите натпреварувања. Вечерва го постигна петтиот свој и за Баерн Минхен во убедливиот триумф против Арсенал (5:1) во осминафиналето во Лигата на шампиони.