Американскиот претседател Џо Бајден изјави дека Пол Пелоси, сопругот на претседателката на Претставничкиот дом Ненси Пелоси, се чувствува подобро по нападот за кој беше потребна операција.

Бајден им рече на новинарите дека се чини дека Ненси Пелоси е цел на нападот и ги повика политичките актери да го осудат политичкото насилство.

Напаѓачот со чекан му го скршил черепот на Пелоси, а му ги повредил и десната рака и дланките, изјави портпаролот на претседателот на Претставничкиот дом. Тој беше успешно опериран, а лекарите очекуваат Пол целосно да закрепне.

Мажот кој бил уапсен на местото на настанот бил идентификуван како Дејвид Пејп (42), а исто така бил пренесен во болница.

Извештаите покажуваат дека неговите досиеја во затворот во Сан Франциско вклучуваат обид за убиство, напад со смртоносно оружје, злоупотреба на старешина, кражба и напад.

Во моментот на нападот, Ненси Пелоси била во Вашингтон, соопшти полицијата на Капитол.