Поврзувањето со пристаништата во Драч и Бургас е долгогодишно барање на стопанските комори од земјава, кои бараа алтернатива на пристаништето во Солун, со цел намалување на цените на траспорт и можност за повеќе избор при увозот и извозот на стоки. Со поврзаноста со само едно меѓународно пристаниште, Северна Македонија ризикуваше да биде целосно отсечена, во случај на блокада или штрајк во Солун, со што домашните комапнии ќе плаќаа и до три пати повисоки цени за транспорт на стоки, што ќе резултираше со удар врз домашната економија.
Изградбата на Коридорите 8 и 10д е еден од најважните инфраструктурни проекти кои се започнуваат во државата од нејзиното осамостојување, а свесни за нивната важност се сите во земјава. Со изградбата на овие коридори, земајва освен со пристаништето во Солун, конечно ќе биде поврзана со уште две пристаништа – во Драч и Бургас и ќе стане крстосница на Балканот.
Ваквото поврзување и позиционирање на Македонија како вистински центар на Балканот е проект кој е поголем од една Влада и кој е зацртан и замислен уште од осамостојувањето, а актуелната Влада е единствената која реши да засука ракави и наместо празни ветувања започнува со изградба на проектот.
Оваа капитална инвестиција, освен што ќе ја поврзи земјава со две нови пристаништа, ќе ја раздвижи економијата, ќе ја модернизира и направи побезбедна патната инфраструктура, но и ќе го помогне домашниот градежен сектор со над 650 милиони евра. Согласно договорот со изведувачите „Бехтел и Енка“, 51 отсто од вкупните средства за изградбата на Коридорите 8 и 10д мора да бидат за ангжирање на домашни подизведувачи, што ќе придонесе за раст на платите на работниците и развој и модернизација на домашните компании.
Со изградбата на нови, брзи и безбедни патишта, ќе се придонесе и за подобрување на безбедноста во сообраќајот, но и побрзо поврзување на градовите во земјава, што на крајот придонесува и за развој на економијата во овие градови, кои сега се отсечени од остатокот. Добрите патишта ќе ја направат земјава и поатрактивна за странските туристи и минувачи, што значи и дополнителен профит за државата.
Опозицијата која сега бара различни начини како да биде против овој проект е свесна за важноста на изградбата на Коридорите 8 и 10д. Всушност и нивниот обид за изградба на автопатот Кичево-Охрид е дел од овие коридори, но сега, кога автопатиштата ќе се градат со зацртани рокови и висок квалитет, наместо со промашени траси и повеќе од деценија, тие наоѓаат различни прашања од кои прават проблеми.
Доказ дека нивното противење е само за добивање на ситни политички поени, а не поради суштински прашања е и тоа што ВМРО-ДПМНЕ беа поканети да учествваат во групата која го подготвуваше договорот со „Бехтел и Енка“, но тие одбија да присуствуваат. Со нивното однесување за овој важен инфраструктурен проект, тие само потврдуваат дека секогаш застануваат против државните интереси, само за нивни политички и лични цели.
Конзорциумот „Бехтел и Енка“ е составен од реномирани компании кои работеле и работат на огромни и важни проекти низ светот, но и во регионот. Двете компании го изградиле најдолгиот мост на Балканот, над реката Лепенец во Косово, во должина од 5,75 километри.
Освен автопатот во Косово, „Бехтел и Енка“ градеа и автопатот Морава во Србија, делница која се гради со развивање и на најмодерната дигитална инфраструктура и систем за заштита од поплави. Делница од овој автопат беше пуштена во употреба минатата недела.
При изградбата на овој автопат ќе се постават и преку 1000 километри оптички кабли кои ќе служат за подобрување на 5Г инфраструктурата.Поддршка и гаранција за овој проект и за конзорциоумот „Бехтел и Енка“ е и британската влада, која обезбеди 430 милиони евра.
Но, освен на Балканот, „Бехтел“ се активни и во останатите развиени земји. Во моментов работат на еден од најзначајни инфраструктурни проекти во Австралија. Аеродромот во Западен Сиднеј во Австралија, проект вреден над четири милијарди долари. Овој аеродром во Сиднеј се очекува да биде финализиран во 2026 година и да биде еден од најголемите во Австралија со над 10 милиони патници годишно.