Патот на Хрватска до Светското првенство во Русија наредното лето води преку Грција. „Коцкестите“ ќе играат бараж двомеч со нашиот јужен сосед во дополнителната рунда мундијалски квалификации по освоеното второ место во групата И. Ова е само една од четирите двојки што денеска беа одредени со ждрепка во Цирих.
Италија, второпласирана во групата Г, за ривал ја доби Шведска, Северна Ирска ќе се пресмета со Швајцарија, додека Република Ирска против Данска за преостанатите четири слободни места од УЕФА фудбалската зона за СП 2018. Првите бараж мечеви се закажани од 9 до 11 ноември, реваншите од 12 до 14 ноември.
УЕФА зона – бараж двојки за СП 2018
Хрватска – Грција
Северна Ирска – Швајцарија
Шведска – Италија
Данска – Република Ирска
Термини за првите мечеви се 9-11 ноември, реваншите на 12-14 ноември