Интер заработи 5,8 милиони евра од продажбата на влезници за вечерашниот меч против Барселона во Лигата на шампиони што претставува нов рекорд во италијанскиот фудбал. Каталонците побудиле голем интерес во градот на модата каков што не очекувале ниту самите домаќини, па според информации од Милано, „нероазурите“ продале 73.500 влезници за дуелот против дружината на Меси чиј настап, сепак, е неизвесен поради фрактура на раката што ја здоби во меч со Севилја во Примера.
Рекордниот финансиски прилив на средства во клупската каса на Интер по овој основ беше достигнат во дербито со Јувентус во ланското издание на Серија А и изнесува 5,2 милиони евра.
Досегашниот рекорд по заработувачка од продадени влезници за италијански услови го држеше Рома за натпреварот со Ливерпул на „Олимпико“ во минатата сезона во елитното натпреварување на УЕФА.
Дуелот меѓу Интер и Барселона во групата Б во ЛШ е вечерва на „Џузепе Меаца“ со почеток во 21 часот. Во истата конкуренција ќе играат и Тотенхем – ПСВ Ајндховен.
Лига на шампиони, 4 коло
Група А
Монако – Бриж (18.55 ч.), Атлетико Мадрид – Борусија Дортмунд (21 ч.)
Табела: Борусија Дортмунд 9, Атлетико Мадрид 6, Монако 1, Бриж 1.
Група Б
Интер – Барселона (21 ч.), Тотенхем – ПСВ Ајндховен (21 ч.)
Табела: Барселона 9, Интер 6, ПСВ Ајндховен 1, Тотенхем 1.
Група Ц
Црвена звезда – Ливерпул (18.55 ч.), Наполи – ПСЖ (21 ч.)
Табела: Ливерпул 6, Наполи 5, ПСЖ 4, Црвена звезда 1.
Група Д
Шалке – Галатасарај (21 ч.), Порто – Локомотив Москва (21 ч.)
Табела: Порто 7, Шалке 5, Галатасарај 4, Локомотив Москва 0.