Бектеши бара цените на производите да останат замрзнати и во февруари. 

Министерот за економија Крешник Бектеши побарал од Владата да ја продолжи мерката за замрзнување на цените на основните прехранбени производи. Ова тој го објави преку статус на Фејсбук.

Министерството за економија достави одлука до Владата со која се предлага мерката за замрзнување на цените на основните прехранбени производи да се продолжи до крајот на февруари 2022 година“, пиша Бектеши.

Во декември лани, Владата донесе одлука да бидат замрзнати цените на лебот, шеќерот, брашното, сончогледовото масло за јадење, трајното млеко со масленост од 2,8 отсто, 3,2 отсто и од 3,5 отсто, на месото, сувомесните производи, сирењето, урдата, оризот, јајцата и на тестенините. Одлуката е на сила до 31 јануари.