Published: Tuesday, June 5, 2018 09:02
Состанокот на американскиот претседател Доналд Трамп и севернокорејскиот претседател Ким Јонг Ун е закажан за 12 јуни во 9 часот наутро во Сингапур по локално време, соопшти Белата куќа.
Портпаролката на Белата куќа изјави дека планирањето на историскиот самит во Сингапур продолжува, додавајќи дека преговарачите на САД и Северна Кореја ќе се сретнат во демилитаризирана зони на Корејскиот полуостров.
– Нашиот тим во Сингапур завршува со подготовката и ќе остане таму сè додека средбата почне – изјави Сара Сандерс портпарол на Белата куќа.
Таа додаде дека Трамп ќе има секојдневни брифинзи за Северна Кореја до почетокот на средбата.
Деталите од агендата ќе бидат дополнително соопштени.