Бензините од полноќ поевтини за пола денар

Бензините и нафтените деривати од ноќеска на полноќ ќе бидат поевтини за пола денар, одлучи денеска Регулаторната комисија за енергетика. Тоа значи дека во наредниот седумдневен период ЕУРОСУПЕР 95 ќе се продава по цена од 57 денари за литар, ЕУРОСУПЕР 98 по цена од 59 денари за литар, а новата цена на дизелот ќе биде 49 денари за литар.

Малопродажната цена на Екстра лесното масло за домаќинство останува иста, додека цената на мазутот се намалува за 0,167 ден/кг. и ќе се продава по цена од 23,260 ден/кг.

Со новата одлука на РКЕ се врши намалување на цените на нафтените деривати во просек за 0,69 проценти, што се должи на падот на цената на нафтените деривати на светскиот пазар