Во текот на изминатото деноноќие на територијата на Република Северна Македонија на 336 лица им се издадени решенија за изолација, а 175 лица потпишале изјави за самоизолација. Од страна на полициски службеници се извршени контроли кај лица во изолација и самоизолација, при што се евидентирани четири прекршувања на мерките, соопштија денеска од Министерството за внатрешни работи (МВР).
По однос на мерката за неносење лична заштита на лице регистрирани се 633 прекршоци. Во таа насока, од страна на полициски службеници досега се констатирани вкупно 16.127 прекршоци за неносење лична заштита, напиша министерот Наќе Чулев на неговиот Фејсбук профил.
Во координација со Државниот пазарен инспекторат во текот на изминатото деноноќи извршени се 337 контроли во објекти при што е евидентиран еден објект коj не ги почитувал одлуките на Владата. Во државен карантин, пишува Чулев, се спроведени вкупно 60 лица.
Тој уште еднаш апелира до сите граѓани да ги почитуваат мерките за заштита од коронавирусот и сите заеднички да придонесеме што побрзо животот да биде вратен во нормала.