Претседателот Ѓорге Иванов ги обвини бугарските новинари дека се под влијание на странки мислења, кога на прес конференцијата во Софија со неговиот бугарски колега Румен Радев беше прашан зошто со своите одлуки ги дестабилизира Македонија и регионот.
-Не прифаќам квалификации дека ја попречуваам стабилноста во регионот. Знам кој ја води Македонија кон оваа состојба, знам кој е против нејзината иднина, знам кој го попречува правото на просперитет на еден народ. Затоа, ве молам, бидете умерени во вашите квалификации и не бидете под влијание на странски мислења, изјави македонскиот претседател Ѓорге Иванов во одговор на прашање на новинар на агенцијата БГНЕС, дека во последните години носи одлуки кои доведоа до политичка криза во Република Македонија и сега, со одбивањето да поддржи Договорот, постигнат меѓу Зоран Заев и Алексис Ципрас, може да ги дестабилизира регионот и Македонија.
-Секој претседател има заклетва кога го презема мандатот. Се заколнав дека ќе го почитувам Уставот. Не можам да прифатам акт што е во спротивност со законите на Република Македонија и консензусот кој е изграден од државниот и владиниот врв. Ова е личен чин, на премиер кој не ги зел предвид сите последици од овој штетен договор. Со него не се затвораат, туку се отвораат многу прашања, се создава многу голема неизвесност и несигурност како за Македонија, така и за регионот , рече Иванов.
Притоа тој им се обрати на медиумите „да не шпекулираат “, во врска со информациите дека тој ги избркал премиерот Заев и министерот Димитров од вчерашната средба во Вилата Водно.
– Никогаш не сум избркал никого од мојот кабинет, имавме состанок. За првпат добив документ во кој не бев вклучен. Кога го добив овој документ, немав што да зборувам на овој состанок. Затоа состанокот траеше толку кратко. Зошто треба да го легализирам овој документ?! Како што го создадоа, без моја вмешаност, така нека го завршат – повторно без моја вмешаност. Тоа е важен документ, бидејќи согласно Уставот на Република Македонија, претседателот е важен за склучување на меѓународни договори, а претседателот беше исклучен од целиот процес. Зошто сега треба да ги легализирам нечија работа ?! Тоа е лично решение и тоа е нивна одговорност , рече македонскиот претседател.