Роџер Федерер (36) е прогласен за странец на годината во традиционалниот избор на британсиот јавен сервис „Би-Би-Си“. За швајцарскиот тенисер ова е четврто признание со кое ги надмина легендарниот боксер Мохамед Али и спринтерот од Јамајка, Јусеин Болт.
„Исклучително сум горд што британската јавност ме избра за странска личност на годината. Неверојатна е поддршката што ја добивам од гледачите во Велика Британија кога и да дојдам. Почестен сум од моето присуство на листата на великани“, истакна Федерер.
Швајцарецот во годината што изминува стана првиот тенисер со осум титули на Вимблдон или вкупно 19 на гренслем турнирите во кариерата. Во конкуренција за наградата беа и Том Брејди (американски фудбал), Кејти Лекеди (пливање), Татјана Мекфеден (параатлетика), Сали Персон (атлетика) и Мајкл ван Гервен (пикадо).
Федерер воедно е највозрасен победник на неофицијалното светско тениско првенство во Лондон во Опен ерата. Оваа година се врати на тениските терени по неколкумесечна пауза и сезоната ја заврши со 52 победи и пет порази и вкупно седум трофеи од кои два на гренслем турнирите. Покрај Вимблдон, швајцарскиот ветеран ја реши конкуренцијата и на Австралија опен.