Вечер во Битола почнува 4. издание на Интернационалниот етнографски филмски фестивал, манифестација што се одржува во рамки на фестивалот „Илинденски денови“.
Фестивалот ќе почне со проекција на етнографскиот филм од Србија „Црвен ветер“ и до 31 јули ќе бидат емитувани 31 етнографски филм од државата и странство.
На наша адреса пристигнаа дури 2000 филмови од сите страни на светот, а со избраните филмови може да се гледа на светот поинаку. Фестивалот во Битола кој веќе е на картата на светот на документаристите, во наредните денови ќе биде седиште на сите светски култури, од сите континенти, најави во пресрет на вечерашното отворање, селекторот на фестивалот, Тони Гламчевски и додаде дека освен во Битола, фестивалот ќе гостува на културно забавното лето „На зајдисонце“ во Трпејца.
Проекциите на етнографските филмови од Бразил, Боливија, Шпанија, Киргистан, Чешка. Грција, Франција, Германија, Етиопија, Авганистан и други држави, ќе може да се следат бесплатно во битолското кино „Манаки“.