Привлекување на инвестиции, поддршка на старт-апи и на компании од Северна Македонија и Бугарија, како и соработка на полето на иновациите, биле темите на разговор она денешниот прв состанок на македонско-бугарската работна група за економија, трговија и иновации што се одржа во Скопје.
Министерот за финансии, Фатмир Бесими, како домаќин на работните групи во Скопје приоритетите на двете земји во однос на иновациите, економскиот развој и поддршка за бизнисот се еднакви и оти следен чекор е да се слушнат и мислењата на стопанствениците што според него ќе даде додадена вредност на одлуките што ги носи работната група.
„Како конкретни проекти за кои веќе беше разговарано е улогата на Банката за равој да може да финансира конкретни проекти кои се од интерес на двете земји или македонскиот ФИТР и Фондот за иновации на Бугарија да можат заеднички да финансираат проекти, за мали и средни претпријатија или старт ап бизниси“, рече Бесими.
Тој додаде дека во текот на денот, претставници на работната група ќе се сретнат со преставници на Стопанските коморин од двете земји со цел да се слушне мислењето и на бизнис заедницата.
„За нас е важно да слушнеме што мисли бизнисот од двете страни на границата, во однос на идеи за дизајнирање на овие програми што ги имаме, а се во нивен интерес. Ќе рзговараме за конкретни проекти и инвестиции, како и за подобрување на животниот стандард на граѓаните од двете земји “, рече Бесими.
Министерот за иновации и раст на Бугарија, Даниел Лорер пак рече дека биле задоволни од приемот во Скопје и оти низ денешниот разговор, запознавајќи се со работата на содветните институции во двете земји согледале дека тие, како што рече, многу си наликувале во работата. Тој најави дека двете страни договориле механизам за заштита на инвеститорите од дискриминација.
„Да го објаснам тоа подобро, ако некоја бугарска компанија инвестира во РСМ и во текот на постапката забалежи дека некоја локална власт, да речеме ја кочи дозволата за градба, тоа во најбрз можен рок да се сигнализира и до мене и до вицепремиерот Фатмир Битиќи за да можеме да го решиме пробелемот со наголема итност“, рече Лорер и додаде дека постапката би била иста доколку ова му се случи и на македонски инвеститор во Бугарија.
Оваа е втора средба на владините делагации на РС Македонија и Република Бугарија. Со состанокот на Работната група за економија, трговија и иновации почна новиот пристап во односите меѓу двете земји што го најавија премиерите Димитар Ковачевски и Кирил Петков. Следниот состанок на оваа работна група ќе биде во месец март.
Инаку, двете влади формираа четири работни групи – за економија, трговија и иновации, за инфраструктура, транспорт и поврзување, за европска интеграција и зелени политики и за култура, наука и образование. Историските прашања ќе ги разгледува веќе постоечката Мешовитата македонско-бугарска комисија за историски и образовни прашања. Планирано е секоја недела состанок да одржува една од овие групи, кои секоја во својата сфера ќе придонесе за зајакнување на соработката меѓу двете земји.
(Б.Б.)