Михал Хорачек, 64 години, богат бизнисмен и автор на познати забавни песни, човек кој помагаше во преговорите помеѓу чешките дисиденти и комунистичката власт во Чешка, најави денес дека ќе биде кандидат за претседател на Чешка на изборите на почетокот на 2018 година.

Анкетите во моментов му даваат голема предност.

“Претседателската функција може да се извршува на пристоен начин, да биде компетента и отворена кон народот”, изјави тој пред новинарите. Изјава која е насочена кон сегашниот претседател Милош Земан кој е често предмет на критика поради својата проруска и прокинеска ориентација.

За Хорачек Чешка е дел од ЕУ и од НАТО и тој смета дека земјата мора да биде добар сојузник и да не се однесува како “скриен патник”.

Спомената анкета тврди дека Хорачек сега би добил 47,5 отсто гласови а Земан 44 отсто.

Се очекува на изборите да се кандидира и Јан Свејнар, чешко-американски економист, човек кој во 2008 година ги загуби изборите а избран беше Вацлав Хавел.

Хорачек е основач на првата приватна лотарија во Чешка која подоцна ја продал, тој е дипломиран антрполог и неговото богатсво изнесува 15 милиони евра.

Тој тврди дека непартиски и патува низ земјата на средби со граѓаните. На прашањето за кого би гласал во САД тој изјави дека негов фаворит и Хилари Клинтон.