Денешното продолжение на Шарената револуција помина во знакот на Светскиот ден на победата над фашизмот, на која тема говори одржаа Димче Најчевски професор во пензија, учителот Владо Димоски, професорот и член на СДСМ, Петар Атанасов и Соња Стојадиновска од движењето „Солидарност“.
Протестот започна пред седиштето на Специјалното јавно обвинителство каде граѓаните над три недели секојдневно искажуваат поддршка за работата на тимот предводен од Катица Јанева акој треба да ги истражи индициите за криминал кои произлегуваат од прислушуваните разговори.
*Повторно обоена Триумфалната капија
Притоа демонстрантите од СЈО се придвижија кон паркот Жена борец а пред самиот почеток на говорите, се пуштаа на звучници дел од “бомбите“ кои ги објавуваше опозицискиот лидер, Зоран Заев а кои индицираат на насилство врз неистомислениците со власта.
Порта Македонија и покрај тоа што веќе одамна е обоена во боите на Шарената револуција, денеска беше додатно мета на балоните со боја а на која симболично беше испишано „Слобода“.
За тоа како поминаа протестите, повеќе во видеото.