Борење на ОИ: Нуров загуби во четвртфинале, репасажот како надеж за медал

Македонскиот борач Могамедгаџи Нуров загуби во четвртфиналето на Олимписките игри во Токио и драстично ги намали шансите за освојување медал во категоријата 97 килограми слободен стил.

Нуров, кој беше последниот седми македонски спортист со настап на Олимписките игри, денеска рано наутро во првата осминафинална борба го совлада Тунижанецот Мохамед Садуи со 5:0.

Во четвртфиналето македонскиот борач по голема борба загуби на поени со 6:4 од Кубанецот Раинерис Перез Салас и сега преостанува да се надева на борба за медал преку репесаж.

За такво сценарио ќе биде потребно Салас да го совлада најдобриот светски борач Абдулрашид Садулаев во полуфиналето. Нивната борба е закажана за во 11:15 часот.