Борис Џонсон денеска ќе поднесе оставка како лидер на конзервативците, соопштија извори за Би-Би-Си, по најновите министерски оставки утринава.
Но, тој планира да продолжи да ја извршува функцијата премиер до есен за да дозволи трката за лидер на ториевците да се одржи во текот на летото.
Лидерот на лабуристите Кир Стармер ја поздрави веста, велејќи дека конзервативците „нанесоа хаос на земјата“ за време на кризата со трошоците за живот.
Некои пратеници од Ториевците бараат Џонсон да се повлече веднаш откако повеќе од 50 владини министри и помошници ја напуштија неговата влада.
Надим Захави утринава му рече на Џонсон дека мора „да си оди сега“, два дена откако беше назначен за канцелар.
Новиот секретар за образование Мишел Донелан и секретарот на Северна Ирска Брендон Луис исто така поднесоа оставки од кабинетот.
Синоќа, Борис Џонсон го отпушти Мајкл Гоув откако тој му рече да се повлече.