Лошо започна првото патување на новиот министер за надворешни работи на Велика Британија Борис Џонсон за Брисел. Неговиот авион, џет БАЕ 146 на британската Кралска воздухопловна сила (РАФ), мораше да итно да атерира во Лондон па министерот БоЏо, како што нагалено го викаат новинарите, мораше до Брисел да стаса со друг превоз.
Во Брисел денес се одржува сесија на шефовите на европските дипломатии помеѓу кои е Џонсон. Беше предвидено во недела вечер да има вечера на сите 28 министри на кои неофицијална тема требаше да биде брегзитот. Но, поради двете кризи – Ница и Турција – министрите сметаа дека не е време за брегзит- вечера. Сепак, Федерика Могерини, шефицата на ЕУ дипломатијата вечераше во Џонсон.
Пристигнувајќи утринава во Брисел на состанок, Џонсон изјави дека Велика Британија сака да продолжи да ја игра улогата на главен мотор во Европа.
“Ние мораме да ја исполниме желбата на народот и да ја напуштиме ЕУ. Но… во ниту еден случај тоа не значи дека ние ќе ја напуштиме нашата лидерска улога во Европа”, изјави тој. И додаде дека “напуштањето на ЕУ не значи напуштање на Европа”.
Џонсон, опуштен и љубезен со своите колеги, се пофали дека Могерини се согласила со него дека Велика Британија мора да продолжи да игра улога во ЕУ.
Опуштено со ЕУ колегите во Брисел
Новинарите, политичарите и функционерите во Брисел со љубопитство чекаа да го видат новиот шеф на британската дипломатија која се залагаше за брегзит и кој е познат по своите недипломатски изјави. Џонсон добро го позната Брисел бидејќи на почетокот на 90те години тој живееше во овој град и работеше како новинар.
Кус муабет со грчкиот колега денес во Брисел
Могерини денес потврди дека нема да има никави преговори за излез на Лондон од ЕУ се додека Велика Британија не побара активирање на членот 50 од Европската лисабонска повелба која регулира како може да се реализира “разводот” помеѓу ЕУ и Обединетото кралство.