Валтери Ботас ја одбрани пол-позицијата во трката за ГН на Австрија. Финскиот пилот на Мерцедес тргна прв на автодромот „Ред Бул ринг“, стартната предност ја задржа во текот на сите 71 круг и на крај ја прослави втората победа во сезоната со време 1:21:48,523 часа. Второто место, со 0,658 секунди, го освои Себастијан Фетел, третото место го резервира Даниел Рикардо (+6,012 секунди).
„Го има, веројатно, најдобриот старт во кариерата. Го контролирав темпото, но како одминуваше трката, почнаа да ме забавуваат возачите што заостануваа цел круг. Имавме совршен викенд и најбрз болид денеска. Пол-позиција и победа. Многу ми е важнно што се доближив до водечкиот двоец во првенството“, беа импресиите на Ботас по успехот во Австрија.
Набрзо по гасењето на светлата за почеток на возбудувањата, Финецот оствари десетина секунди предност во однос на Фетел. Но, упорниот Германец не се предаде во ниту еден момент и трката за заврши со нешто повеќе од пола секунда заостанување. По неа и забелешки на сметка на победникот.
„Бев сигурен дека Ботас стартуваше прерано. Така барем ми изгледаше на мене. Меѓутоа не е мое да судам. Не сакам ништо да му одземам на Валтери кој извозе одлична трка“, рече Фетел за чии сомневања беше поведена истрага и утврдено дека стартот на Ботас бил регуларен.
Луис Хамилтон остана без подиум во Австрија. Британецот го освои четвртото место и за зголемување на минусот на 20 бода во генералниот пласман во однос на Фетел. Бодови од деветтата трка впишаа уште Кими Раиконен, Роман Грожан, Серхио Перез, Естебан Окон, Фелипе Маса и Ленс Строл. Настапот на „Ред Бул ринг“ уште во првиот свиок го завршија Фернандо Алонсо и Макс Ферстапен по судирот на Данил Квјат со болидот на Шпанецот.
Карванот во Формула 1 шампионатот се сели во Силверстон каде наредниот викенд ќе се вози трката за ГН на Велика Британија.
Резултати од трката за ГН на Австрија
Валтери Ботас (Финска/Мерцедес) 1:21:48,523 часа
Себастијан Фетел (Германија/Ферари) +0,658 секунди
Даниел Рикардо (Австралија/Ред Бул) +6,012 секунди
Луис Хамилтон (В. Британија/Мерцедес) +7,430 секунди
Кими Раиконен (Финска/Ферари) +20,370 секунди
Роман Грожан (Франција/Хас) +73,160 секунди
Серхио Перез (Мексико/Форс Индија) +1 круг
Естебан Окон (Франција/Форс Индија) +1 круг
Фелипе Маса (Бразил/Вилијамс Мерцедес) +1 круг
Ленс Строл (Канада/Вилијамс Мерцедес) +1 круг, итн.
Генерален пласман кај возачи
Себастијан Фетел (Финска/Мерцедес) 171 бод
Луис Хамилтон (В. Британија/Мерцедес) 151
Валтери Ботас (Финска/Мерцедес) 136
Даниел Рикардо (Австралија/Ред Бул) 107
Кими Раиконен (Финска/Ферари) 83
Серхио Перез (Мексико/Форс Индија) 50
Макс Ферстапен (Холандија/Ред Бул) 45
Естебан Окон (Франција/Форс Индија) 39
Карлос Сајнц Јуниор (Шпанија/Торо Росо) 29
Фелипе Маса (Бразил/Вилијамс Мерцедес) 22, итн.
Генерален пласман кај конструктори
Мерцедес 287 бода
Ферари 254
Ред Бул 152
Форс Индија 89
Вилијамс Мерцедес 40
Торо Росо 33
Хас Ферари 29
Рено 18
Заубер Ферари 5
Мекларен Хонда 2